Модните дизајнери кои се задолжени за уредување и декорирање на домовите најверојатно ја имаат најдобрата и најубавата работа. Тие декорираат домови, уредуваат цели куќи и станови, едноставно на нешто што е старо или празно му даваат сосема нов изглед и живост.

Предлог идеите кои преку фотографии се прикажани во продолжение на статијата се доказ дека во светот на дизајнот и уредувањето на домовите секојдневно излегуваат нови интересни и несекојдневни идеи.

Она на што најмногу дизајнерите треба да внимаваат при декорирање на еден дом е тоа дека претходно треба многу добро да ги запознаат луѓето кои треба да живеат во домот, за да можат да ги задоволат нивните барања и потреби.

Секој дел од домот е важен бидејќи домот е катче во кое секој од нас го поминува најголемиот дел од слободното време и начинот на кој тој е уреден има големо влијание на нашето расположение.

Дизајнерите најголем акцент ставаат на уредувањето на дневните соби во кои треба да преовладува опуштена и релаксирачка атмосфера. 
Дневната соба е просторијата во домот која покрај трпезаријата, го „собира” целото семејство заедно.

Некои од нас се доволно креативни и самите се дизајнери на своите домови, а на некои им е потребна идеја т.е. помош.
Ако немате идеја како да ја уредите дневната соба или се мислите што да смените во истата за да добиете нов и впечатлив изглед, тогаш сте на вистинското место, затоа што од фотографиите сигурна сум дека ќе украдете по некој интересен мотив кој многу добро ќе се вклопи во вашата дневна соба.

Некогаш еден сосема мал детаљ може да ја промени целокупната слика на дневната соба, а со тоа и на домот. Тоа може да бидат нов тапет, нови перничиња, нов тепих, нова слика или нешто друго. 
Што точно да промените погледнете од фотографиите и одберете сами.