Во потрага по нешто што ќе биде уникатно и што ќе предизвика воодушевување кај публиката, уметниците одбираат најразлични предмети од секојдневието, кои со голема умешност ги претвораат во прекрасни уметнички дела.

Рускиот фотограф Станислав Аристов, идеа и мотив пронашол во догорените чкорчиња од најобичен кибрит.
Малку со помош на објективот, малку со дополнителна обработка на фотографиите, во кои уметникот ја внесол целата негова фантазија, се добиени неверојатни и несекојдневни уметнички фотографии.

Фотографирани токму во моментот кога пламенот ја доживува својата кулминација, догорените чкорчиња се претвораат во нежни форми на пеперутки, цветови, полжавчиња, лебеди и ноти.

Фотографијата има огромна моќ бидејќи може да го прикажи она што очите во одреден момент не можат да го забележат. Прикажува моменти кои многу брзо минуваат и не можат секогаш да бидат доловени. 
Таков е случајот и со овие прекрасни фотографии на кои се доловени моменти на краткотрајни пламенчиња од догорени чкорчиња, кои имаат добиено сосема нова димензија и форма.

Погледнете ги!

​