Здравје, Здрави навики
Важноста на водата за организмот
Општо познато е дека 2/3 од човековото тело содржи вода, но сигурно се прашувате зошто ни е потребна и која е нејзината улога?
Недоволното внесување на количество здрава и чиста вода доведува до дехидратација на организмот, при што се јавува чувство на замор и главоболка. Сè што треба да направите е да се напиете неколку чаши вода.
Водата го забрзува метаболизмот, а за оние кои сакаат да ја намалат својата тежина доволно е да конзумираат по една чаша вода пред јадење, со што ќе им се намали апетитот.
Исто така, водата е многу важна за вашата кожа. Со консумирање на доволно количество на вода се зголемува хидратацијата на кожата и се подобрува нејзината еластичност. Притоа, со самата хидратација доаѓа до мазнење на брчките на лицето.
Во текот на денот добро е да се консумира од 1.5 до 2 литри вода, но внимавајте, хлорираната и нечиста вода нема да влијае позитивно врз организмот. Затоа оставете да исчезне хлорот и внимавајте од каде ја земате истата.
И не заборавајте дека водата ѝ помага на крвта при пренесувањето на кислород и други материи до различни клетки во целото тело.
Додади коментар