Мој предлог, Филм
We Bought a ZOO – филм кој ќе ви покаже дека после дождот секогаш изгрева сонце
„Си купивме зоолошка” е прекрасна семејна драма, снимена според вистинската приказна на едно семејство кое се обидува да си го среди животот.
По смртта на сопругата, Бенџамин (Мет Дејмон) бара нова куќа за себе и своите деца, а играта на судбината ќе го одведе до прекрасниот имот на кој покрај новиот дом го чека и големо изненадување.
Имотот всушност е стара зоолошка градина, вистински предизвик за семејството кое се обидува да ја надмине болката и да продолжи понатаму.
Додека Бенџамин и неговите деца се обидуваат да го вратат некогашниот сјај на Зоолошката и да им помогнат на животните, неосетно си помагаат себеси и наоѓаат нови радости кои им ја намалуваат болката.
We Bought a ZOO е прекрасна семејна драма која на моменти можеби ќе ве расплаче, но толку е полна со живот што ќе ве расположи и ќе ви покаже дека после дождот секогаш изгрева сонце.
Филмот беше номиниран во повеќе категории, режијата е на Камерон Кроу, а главната женска улога ја толкува Скарлет Јохансон.
Она што ќе ви остави посебен впечаток е неверојатниот талент на малите актери кои ги толкуваат ликовите на децата на Бенџамин. Нивната генијалност уште повеќе ја збогатува приказната која навистина вреди да се погледне.
Додади коментар