Здравје, Природни лекови
За што може да ви помогне чудотворното овошје калинка
Веќе имаме спомнато дека калинката е извор на здравје и дека е моќен лек.
Кај многу народи токму калинката се сметала за симбол на плодност и домашна среќа.
Древните Египјани биле погребувани со ова овошје бидејќи верувале дека таа симболизира надеж и нов живот, а на многу стари икони се забележува како Девица Марија и бебето Исус во раката држат калинка.
Плодот на калинката претставува вистинска мала витаминска бомба на вредни биоактивни состојки кои ублажуваат многу здравствени нарушувања и болести.
Калинката е богат извор на витамините А, Ц, Е, Б1, Б2, Б5, селен, цинк, железо, натриум, калиум, калциум, фосфор, магнезиум, бакар и два типа соединенија на кои им се припишува антиоксидантна активност.
Бројните истражувања кои во последно време сѐ повеќе и повеќе се вршат на калинката покажуваат неверојатно добри ефекти по однос на здравјето.
Калинката дејствува на:
- засилување на комплетната отпорност на организмот и ги намалува штетните ефекти предизвикани од алкохол, пушење и УВ зрачење;
- против воспалителни процеси предизвикани од вируси и бактерии и помага во зараснувањето на раните;
- го забавува процесот на прогресија на Алцхајмеровата болест;
- го намалува крвниот притисок и го регулира холестеролот;
- го намалува ризикот од артериосклероза;
- ги ублажува симптомите на менопауза, како и ги намалува несаканите симптоми пред и за време на менструалниот циклус;
- ја подобрува еректилната функција, го зголемува квалитетот на спермата со што ја подобрува плодноста кај мажите и има позитивен ефект врз либидото;
- антигените растителни хормони на калинката го одржуваат нивото на специфичниот антиген на простатата - PSA стабилен со што го намалува ризикот од појава на рак од една страна и го успорува напредокот на ракот на простатата од друга страна;
- растителните хормони на калинката помагаат во случаи на малигни заболувања на дојка, јајници, простата, бел дроб, желудник, кожа и кај леукемија - студиите покажале дека калинката ги уништува клетките на ракот оставајќи ги здравите клетки непроменети;
- ги заштитува забите со што ја регулира микрофлората на устата и дигестивниот тракт;
- позитивно влијае на пренаталниот раст и развој на детето, употребувана од страна на мајката во текот на бременоста го штити мозокот на новороденчето од оштетување;
- поволно влијае на ноктите, косата и кожата;
- природно го забавува стареењето на кожата и ги намалува брчките, ја навлажнува кожата на лицето и телото, ја зајакнува и ја прави еластична;
- ги ублажува депресивните состојби.
Како што можете да забележите благодатите кои ова чудотворно овошје ги дава по однос на здравјето се огромни.
Токму сега е времето на калинки, искористете го овој период и секојдневно јадете барем по една калинка. Веднаш ќе ги забележите позитивните ефекти.
Додади коментар