Занимливост

Се сеќавате ли на почетоците на македонската поп дива Калиопи Букле?

03 август, 12:37

Калиопи Букле, родена на 28 декември 1966 година во Охрид, своето детство го поминува во Кичево.

Својата посериозна музичка кариера ја започнува во бендот Калиопи, заедно со нејзиниот поранешен сопруг, авторот Ромео Грил. Првиот успешен сејугословенски хит на оваа група е песната Лео, чиј автор е познатиот македонски композитор Глигор Копров. Среќата беше на нивна страна. Следната година, бендот го објави својот прв албум со назив Калиопи, по што следеше и нивниот вторт албум Rodjeni, 1987. Меѓу деветте песни на овој албум се наоѓа и југословенскиот мегахит Bato, за кој денес може да се рече дека е еден од апсолутно најголемите хитови во рамките на поранешна Југославија. Во 1988-та групата се распадна.

Во време на својата најголема популарност, Калиопи и нејзиниот поранешен сопруг и основач на групата, Ромео Грил, заминуваат во Швајцарија.

По цели осум години, со својот извонреден настап на Скопскиот фестивал, 1996 година, освојувајќи Grand Prix, Калиопи го најави враќањето на македонската музичка естрада. Почетокот на својата соло кариера го круниса со својот прв соло албум Обои ме (трет во целокупната кариерата), кој излезе во декември 1998 година, предизвикувајќи вистинска еуфорија во Македонија. Од овој период до денес следеа голем број на награди, признанија и успеси кои заслужно ја вбројуваат во класата на поп диви.


автор: Stojanovska Elena

Оваа вест е прочитана 2356 пати.

Коментари [0]

Додади коментар


Безбедносен Код:
Security Image  Освежи

Коментар


НА ДЕНЕШЕН ДЕН

29 Март

29 Март
Во 1943 година е роден познатиот грчки композитор на електронска музика Евангелис Одисеас Папатанасиу или за јавноста познат под уметничкото име Вангелис.
© 2024 МОЈ ПОРТАЛ  Сите права се заштитени.   изработено од Асидус