Ако на вашето дневно мени имате краставица, тогаш бидете сигурни дека добивате порција здравје.

Краставицата е еден од 5-те видови зеленчук кои најмногу се одгледуваат ширум светот, а нејзините придобивки по однос на здравјето се навистина големи.

• Краставицата го хидрира организмот, што е особено важно за оние кои немаат навика да пијат доволно вода во текот на денот.
• Благодарение на големиот процент вода кој го содржи, краставицата лесно ги отстранува отровите од организмот, а со редовно конзумирање може да помогне и за исфрлање камчиња од бубрезите. Воедно, ги одржува бубрезите во добра форма.
• Краставицата содржи витамини А, Б и Ц, неопходни за имуниот систем како и за енергијата која ни е потребна преку ден. Лушпата содржи дури 12 % од дневната потребна доза на витамин Ц, затоа не лупете ги при употребата.
• Комбинацијата од краставица, спанаќ и моркови (свеж сок подготвен во соковник) е вистинска витаминска бомба.
• Помага во превенцијата и борбата со ракот на дојката, јајниците и простатата.
• Го намалува холестеролот и го регулира крвниот притисок, па добро е да ја конзумираат лицата со висок, но и оние со низок притисок.