Животен стил, Фенг шуи
Фенг шуи симболи и амајлии за добра среќа
Учењето познато како фенг шуи е многу фасцинантно и комплексно.
Секој може да примени дел од советите за добра енергија во домот, а притоа да не потроши премногу време или пари.
Голем дел од советите се и доста практични, па според тоа и корисни за секој дом.
Нашиот денешен совет се однесува на предметите кои носат добра среќа.
Според фенг шуи, некои предмети штитат од негативна енергија и носат среќа во домот. За некои од нив сигурно сте слушнале, но можеби не сте знаеле дека се дел од учењето на фенг шуи.
Потрудете се во домот да имате барем еден од овие прекрасни симболи на добрата среќа.
Потковица – со векови наназад се смета за симбол на добрата среќа и доколку може да набавите потковица, добро е да ја имате во домот.
Насмеаниот Буда – доколку наидете на украсна фигура која го претставува насмеаниот Буда, не двоумете се да ја купите. Оваа фигура се чува во домот заради благосостојба, среќа, успех, здравје... Всушност, фенг шуи го поврзува насмеаниот Буда со сè што е добро и позитивно.
Двојниот кинески знак на среќата
Секој предмет на кој е испишан овој кинески знак е одлична амајлија за добра среќа, особено за хармоничен однос меѓу партнерите. Потрудете се да го имате во својот дом!
Бамбус
Прекрасното растение е едно од најпосакуваните во домот, барем кога фенг шуи е во прашање. Чувањето бамбусот е уште еден начин да дојдете до добра среќа и да се заштитите од негативности.
Слон – како украс се среќава во многу домови, а симболизира плодност, заштита и добра среќа.
Додади коментар