Откритија
Посветете дел од вашето време на другите
Можеби објаснувањето на оваа нова теорија во психологијата е најдобро да се започне со популарното објаснување на теоријата на релативитет на Ајнштајн. Имено, релативноста на времето се објаснува на следниов начин: ако сте на состанок со убава девојка/момче времето брзо минува, но ако седите на вжештена печка дури и 2 минути тогаш тоа изгледа како вечност.
Токму за ваква релативност зборува и новата студија објавена во списанието Psychological Science. (Cassie Mogilner et al.,"Giving Time Gives You Time").
Истражувањето се состои од задачи како уредување на есеј на некој студент или пишување порака за некое болно дете. Иако за овие задачи е потребно од 5 до 15 минути, сепак, кај повеќето „донатори“ на време предизвикало чувство дека прават повеќе отколку некој што времето го поминува непродуктивно или го троши на себе. Ова предизвика испитаниците да се чувствуваат како да имаат повеќе време за себе. Значи не мора целото време да го одделите за волонтирање или вршење на други добротворни задачи, доволно е да посветите мал дел од вашето време на некој од вашите блиски, да ги ислушате, да им помогнете во извршувањето на некоја обврска и веднаш ќе почувствувате дека корисно сте го потрошиле вашето слободно време.
Додади коментар