За него
Како да одберете костум
Добар костум не значи само костум кој ви се допаѓа или убаво ви стои. Внимавајте на неколку нешта при купувањето, за да го направите вистинскиот избор.
- Квалитет на ткаенината
Колку и да ви се допаѓа бојата и дезенот, ако ткаенината не е квалитетна ќе направите голема грешка.
Стиснете го со раката сакото или панталоните. Ако ткаенината не покажува промени, значи е квалитетна, но ако веднаш се појават набори, не го купувајте костумот. Само што ќе седнете, веднаш ќе се истутка и нема да изгледа убаво.
- Вид на ткаенина
Костумите најчесто се изработени од волна. Понекогаш материјалот е комбинација од волна и кашмир, а костумот може да биде и 100% кашмир.
Како и да е, волнените или костумите комбинирани со кашмир се најдобар избор.
Летниот период може да се одлучите и за ленени и памучни костуми. Овие материјали се туткаат, но се пријатни за топло време.
- Големина на костумот
Не се придржувајте до бројот кој вообичаено го носите. Големината зависи од моделот и кројот, па внимавајте на следното:
-костумот треба убаво да лежи на рамената;
-ракавите треба да бидат најмногу до коренот на палецот. Ако ја надминуваат оваа должина треба да пробате помал број;
-одбирајте струкирани костуми;
Ако костумот лежи на рамената и струкот, а е долг во ракавите или панталоните, секогаш може да ги скратите.
- Боја
Есенските и зимските костуми треба да бидат потемни. Сивите костуми изгледаат одлично, како и кафеавите и се разбира црните. Сепак, бојата е прашање на вкус, па може да си дозволите слобода да ја направите комбинацијата која вам ви се допаѓа.
Додади коментар