Автоматизирана содржина во Word
Доколку често изработувате Word документи со содржина, а не ја користите опцијата за автоматизирана содржина, веќе имате претстава колку ова може да биде заморно и колку време ви одзема. Затоа најдобро е да ја искористите опцијата Table of Contents. За полесно да ја разберете постапката ќе разгледаме еден пример.
Ако содржината на вашиот документ треба да ги содржи овие наслови и поднаслови, документот го уредувате на следниот начин:
1. Историја на поимот уметност: Што е тоа уметност?
2. Историја на уметноста
2.1. Прауметност
2.2. Австралија
2.3. Европа
2.3.1. Античка уметност
2.3.2. Средновековна уметност
2.3.3. Модерна епоха
3. Филозофија на уметноста
Откако ќе завршите со сите уредувања на документот, во подменито Paragraph:
- на секој главен наслов доделете го својството Outline level: Level 1 (во нашиот пример тоа се насловите 1. Историја на поимот уметност; 2. Историја на уметноста и 3. Филозофија на уметноста)
- на секој главен поднаслов доделете соодветно ниво, пр. Outline level: Level 2 (поднасловите 2.1. Прауметност; 2.2. Австралија; итн.)
- за останатите поднаслови доделуваме ниво Outline level: Level 3 (2.3.1. Античка уметност; итн.)
Потоа, од главното мени Preferences изберете го подменито Table of Contents и опцијата Insert Table of Contents.
Во овој дијалог можете да го менувате изгледот на содржината. Но, она на што мора да внимавате е во Options да биде штиклирана опцијата Outline level.
По секоја извршените промена осигурете се дека промените се вчитани: кликнете со десен клик на некоја од ставките на содржината и изберете ја опцијата Update Filed. Се прикажува дијалог што нуди можност да се ажурираат или само бројот на страниците или целата содржина.
Добрата страна на оваа опција е што кога и да направите измени во текстот (намалување на бројот на страници, преместување на дел од текстот) страниците секогаш ќе бидат точно означени.
Додади коментар