Интересно
Каков лаптоп ќе користевте денес ако технологијата не одеше напред
Малите компактни фото апарати, модерно дизајнираните лаптопи, напредните паметни телефони и ред други направи се резултат на развојот на технологијата и одлика на денешното време.
А што ќе се случеше ако технологијата не одеше напред и со години немаше нови, подобрени модели?
Ќе ги користевме старите, кои воопшто не наликуваат на она на што сме навикнати.
Ова е Озборн 1, првиот лаптоп сместен во кутија која не се одделувала од компјутерот, па затоа тежел 11 килограми. Озборн 1 имал 5 инчен екран и 4MHz процесор. Среќа што денешните лаптопи ни оддалеку не наликуваат на Озборн 1, инаку ќе заборавевме на навиката да си ги носиме на одмор и по гости.
Кодак први се обидоа да направат дигитален фотоапарат во 1975 година. Нивниот обид резултираше со оваа направа која се одликуваше со резолуција од 0.01 мегапиксели. На овој апарат му биле потребни 23 секунди за црно – бела фотографија која се снимала на касета, а самиот изглед кажува колку бил незгоден за носење.
Ако технологијата не се развиваше, денес ќе имавте токму ваков мобилен телефон. Motorola Dyna е првиот мобилен телефон пуштен во продажба во 1983 година, со можност за меморирање на 30 броеви и ... Ништо друго, ни смс, ни блутут, ни GPS. Телефонот се користел исклучиво за она за што е и наменет – за зборување.
Додади коментар