Мој предлог, Филм
Skyfall
Најновото филмско остварување на Сем Мендес, приказната за агентот Џејмс Бонд, ги руши сите рекорди на гледаност.
Шармот на агентот, неговите техники на заведување и способноста за извлекување од опасните ситуации во кои запаѓа при мисиите, обидувајќи се да го спаси светот, го прават филмот екстремно возбудлив.
Во најновото продолжение, на тест е ставена лојалноста на агентот кон неговата претпоставена М, кога таа е гонета од нејзиното минато и кога MI6 е под напад. Нападот е организиран од поранешниот агент Раул Силва и е наменет кон М, со крајна цел да биде убиена, како освета за предавството која таа го извршила во минатото ...
Возбудливите сцени, современата технологија со која е направен филмот, одличната глума на агентот и на останатите од филмската екипа ќе ве остават без зборови.
Секако, и овој пат во главната улога се појавува харизматичниот и неповторлив Даниел Крег, играјќи го 23-от лик на Џејмс Бонд.
Во останатите улоги се појавуваат: Џуди Денч како М, Хавиер Бардем како Раул Силва – поранешниот агент и противник на Бонд, Наоми Харис како помошен агент во MI6.
За одличната изведба за главната музичка тема во филмот, Адел се закити со Златен Глобус.
Во продолжение слушнете ја наградената песна.
Додади коментар