Спилберг на чело на жирито во Кан
Стивен Спилберг ќе застане на чело на жирито на овогодинешниот Кански фестивал кој ќе се одржи од 15 – 26 мај.
Генијалниот режисер изјави дека е почестен од доделената улога, бидејќи Канскиот филмски фестивал секоја година докажува дека филмот е јазикот на светот, а за секој уметник е вистинска чест и задоволство да биде дел од оваа манифестација.
Претседателот на фестивалот долго време се обидувал да го стави Спилберг на чело на жирито, но секоја година режисерот работел на некој филм и не бил во можност да ја прифати задачата.
Конечно, годинава Спилберг е слободен, па со задоволство ќе ја одигра улогата на жири.
Стивен Спилберг дебитираше на Канскиот фестивал со филмот „Е.Т.” пред 31 година.
Славниот режисер има режирано 28 филмови, освоил два Оскари за филмовите „Шиндлеровата листа” и „Спасувањето на војникот Рајан”, а годинава за малку му побегна Оскарот за извонредниот „Линколн”.
Неговата брилијантна кариера вклучува некои од најголемите блокбастери, меѓу кои и „Џурасик парк” и „Индијана Џонс”.
Додади коментар