Несомнено кучето е најдобриот пријател на човекот. Тоа го сака, почитува и штити својот газда, пријателски се однесува и со него е и во неговите најтешки моменти, а за возврат добива внимание и многу, многу љубов.
Луѓето кои ги сакаат кучињата и оние кои ги чуваат во своите дворови и домови знаат дека деновите секогаш им се исполнети со многу забава, а статистиката докажа и дека се многу посреќни и повесели во однос на останатите кои немаат куќни миленици.

Во светот постојат луѓе кои имаат една од најубавите и најинтересни професии, а таа е фотографирање на куќни миленици. Тие луѓе точно знаат кога е вистинскиот момент за правење одлична фотографија. Со нивните методи на работа, стрпливоста и посветеноста многу често знаат да направат воодушевувачки фотографии на кои куќните миленици зрачат со љубов и милост и се неверојатно неодоливи.

Еден таков професионален фотограф кој максимално е посветен на својата професија е познатата полска фотографка Алисја Змисловска. На нејзините величествени фотографии се прикажани портрети на среќни и релаксирани кучиња кои изгледаат толку многу опуштено, како всушност да се фотографирани од своите сопственици, а не од некој непознат и за нив нов фотограф.
Опремата која ја користи Алисја е врвна и со професионални перформанси благодарение на која се добиваат прекрасни фотографии.

Ви предлагам да ги погледнете нејзините воодушевувачки фотографии кои можеби ќе ве поттикнат и вас уште денес и вие да се обидете да направите некој портрет од вашето милениче.