Филм
Big Miracle – прекрасен филм за целото семејство
Кога репортерот Адам Карлсон (Џон Красински) ќе направи репортажа за семејството сиви китови заробени во мразот на Арктичкиот круг, веста ќе го обиколи светот и многумина ќе понудат помош за спас на китовите.
Меѓу нив ќе се најде и активистката на Гринпис, Рејчел Крамер (Дру Баримур), единствената која навистина сака да ги спаси китовите и не го прави тоа од себични причини и желба за слава.
Филмот снимен според вистински настан има голема и хумана порака која зборува за ретките луѓе кои помагаат од срце, притоа не барајќи никаква корист или признание.
Семејната драма го прикажува и животот на Ескимите, сосема поинаков од оној кој ние го живееме, убавината на Алјаска и светот на животните кои во одредени ситуации реагираат токму како луѓето и со последни сили се обидуваат да ги спасат своите малечки.
Big Miracle е филм за целото семејство, токму поради пораката за вистинските вредности и несебичното помагање.
Додади коментар