Во зимските месеци на пазарите може да се најде т.н. кинеска зелка, еден вид марула со интересен вкус, одлична за салата зачинета со малку оцет и маслиново масло.

За благодетите на кинеската зелка се знаело многу одамна, а традицијата на одгледување на овој зеленчук е долга преку 6000 години.

Јадете кинеска зелка за здравје и енергија!

Кинеската зелка е одличен извор на белковини кои ја зголемуваат енергијата.

Содржи витамини А (неопходен за имунолошкиот систем, видот, растот на коските и забите), Ц (еден од најмоќните антиоксиданти), како и витамини Д, Б6 и К.

Од минералите е богата со калциум и калиум. Калиумот е особено значаен за намалување на ризикот од срцеви болести, проблеми со циркулацијата, а помага и за регулирање на крвниот притисок.

Благодарение на својот состав, кинеската зелка се покажала како одлична превенција за повеќе видови карцином, а претставува и природна дневна доза неопходни витамини и минерали за целото семејство.