Време е за диња. Вкусна, сочна, миризлива, дињата е овошје кое го одбележува овој период од годината. Многу е богата со витамин Ц, воопшто не дебелее, а претставува и природен лек за многу болести.

Дињата содржи многу вода и калиум кои ја поттикнуваат работата на бубрезите, со што организмот се чисти од штетните материи.

Помага при воспаление на жолчката и мокрачните патишта.

Бидејќи не содржи многу калории и не дебелее, а го олеснува варењето на храната, дињата е одлична за намалување на телесната тежина.

Оваа драгоцена овошка особено се препорачува за луѓето со висок крвен притисок.

Кога пазарите се полни со ова неверојатно овошје, навистина е штета да не јадете диња.