Живеј квалитетно
Супер бои за супер расположение
Пролетта е вистински период за лесна, удобна и светла облека. Дозволени се најразлични комбинации на бои, особено светлите нијанси кои делуваат разиграно и опуштено.
Изборот на бои не е поврзан само со модата. Одредени бои несвесно влијаат врз нашето расположение.
Не само што се препорачуваат при избор на облека, овие бои се одлични и за уредување на домовите и канцелариите, токму поради позитивните емоции кои ги будат.
Ви претставуваме 5 супер бои за супер расположение.
Жолта – погледот на оваа боја буди чувство на среќа, се чувствува енергија и светлина. Според некои истражувања, луѓето кои работат во простории каде преовладува жолтата боја имаат постојано чувство на среќа и јасно размислување, поради што се многу продуктивни во работата.
Зошто малите се секогаш жолти? Токму поради чувството на среќа кое го буди оваа боја.
Црвена – ова е боја на енергијата, страста, силата и секако, љубовта. Погледот на оваа боја кај луѓето буди чувство на страст, а оние кои носат црвено во очите на другите секогаш изгледаат атрактивно.
Зелена – бојата на плодноста, животот и хармонијата буди чувства на стабилност и долготрајност. Погледот на оваа боја ги одмара очите, нè смирува и ни буди убави чувства.
Розова – без оглед дали ја сакате или не, розовата боја значи здравје, женственост и романтика. Облеката или опкружувањето каде преовладува оваа боја буди чувство на смиреност и љубов, а розовото во голема мера ја намалува лутината.
Портокалова – претставува среќа, топлина, креативност и охрабрување. Оваа боја има голем ефект врз нашето тело и ум. Погледот на портокалова боја му овозможува на мозокот да добие повеќе кислород, со што се стимулира менталната активност. Покрај охрабрувањето, портокаловата боја влева и самодоверба.
Изберете некоја од овие супер бои, или направете комбинации по ваш вкус.
Дури и да не сте љубител на овие бои, дозволете си парче облека, марама или декорација во домот и уживајте во позитивните чувства кои боите ќе ги предизвикаат кај вас.
Додади коментар