Занимливост, Откритија
Древни бактерии преживеале во невозможни услови
Во скриено езеро на Антарктикот, научниците пронајдоа заедница на бактерии кои преживеале со милениуми. Откритието фрла сосема поинаква светлина на досегашното верување за условите во кои животот може да опстане не само на Земјата, туку и на другите планети.
Имено, бактериите се пронајдени во езерото Вида кое се наоѓа на најмалку 18 метри под површината на мразот и опстанале во услови каде нема светлина и кислород, а концентрацијата на сол во водата е неколку пати поголема од онаа на морската вода. Тргнувајќи од фактот дека овие бактерии опстанале во речиси невозможни услови за живот, уште еднаш се потврдува верувањето дека каде што има вода, има и живот.
Откритието ги поттикна научниците да размислуваат за истражување на услови за живот под површината на Марс, нешто за кое досега не се помислуваше.
Додади коментар