Состојки:
1 литар црвено вино
500 гр. шеќер
3 ванили
1 екстракт од малина или чоколадо
2 лажици рум

Подготовка:
Во тенџере на оган се става виното да вари додека да зоврие. Откако ќе зоврие се става шеќерот и повторно се остава да се вари додека да се стопи шеќерот.
10 минути пред тенџерето да се тргне од оган, во течноста се ставаат ванилите, екстрактот и румот. Смесата убаво се меша и се трга од оган.

Вињакот треба да е малку густ но не премногу, се остава малку да се излади и се собира во шише.

За сите убави моменти во вашиот живот наздравете со овој прекрасен, вкусен, домашен вињак!