Филм
„Хобитот: Пустошот на Смауг” – незаборавно патување до Осамената Планина
Вториот дел од трилогијата „Хобитот” на Питер Џексон ги полни кино салите ширум светот.
Светската премера ја доживеа на 13 овој месец, на големо задоволство на сите оние кои уживаа во првиот дел од „Хобитот”, „Неочекувано патување”.
„Хобитот: Пустошот на Смауг” е продолжение на патувањето на волшебникот Гандалф, хобитот Билбо Багинс и дружината од 13 џуџиња предводени од Торин.
Нивното патување ги води во непознати и опасни предели до Осамената Планина, каде треба да се соочат со змејот Смауг.
Специјалните ефекти, музиката, фотографијата, сè е направено до совршенство, па не е ни чудно што „Хобитот” господари на топ листите на најгледани филмови.
Докажаната актерска екипа е уште една гаранција дека ќе уживаме во авантурата на џуџињата кои придружувани од вилениците ќе се соочат со многу препреки на патот кон враќањето на својот одамна изгубен дом.
Филмот доби одлични критики и се очекува да го достигне успехот на првиот дел од трилогијата.
Уживајте во насловната нумера и официјалниот трејлер на ова незаборавно патување.
Додади коментар