Занимливост, Интересно
Не ги фрлајте стаклените шишиња!
Стаклените вински шишиња од по 1 литар може да ги искористите за декорација во вашиот дом. Може да направите навистина интересни детали кои ќе го привлечат вниманието на вашите гости и ќе го разубават просторот во домот.
Направете необична ограда, фонтана или под во вашата градина, на вашата тераса или во вашиот дом.
Обојте го шишето со непрозирна боја, нацртајте или напишете нешто по ваша желба и ставете цвет кој одговара со бојата на шишето. Ќе добите интересна вазна за вашата масичка.
Пресечете го шишето на половина, на неговата површина ставете гумени лепенки и ставете го како украс во саксија или во него ставете светилка која се полни на светлина и поставете ја на вашата тераса или покрај патеката во дворот.
Искористете ги чистите шишиња за сируп или масло, плус во нив ставете извиткано гранче, затворете го шишето и ставете си налепница.
Пресечете го шишето на половина и со горниот дел кој има отвор поклопете ја свеќата. Ќе добиете несекојдневен свеќник.
Направете интересна саксија. Пресечете го шишето на половина, долниот дел наполнете го со вода, а горниот со земја и во него засадете некој цвет. Деловите ставете ги еден во друг.
Ноќна ламба ќе направите ако во стакленото шише ставите украсни сијалички (како оние за на елка). Како изгледа погледнете на сликата.
Додади коментар