Состојки:

• 2 парчиња брокула
• 1 црвен кромид
• 250 гр сланина (свежа)
• 150 гр сечкани бадеми (на тенки листови)
• 150 гр суво грозје
• 100 гр бел шеќер
• 200 мг мајонез
• 2 лажици бел вински оцет

Подготовка:

Испржете ја сланината на тивок оган на тенки парчиња.  Откако ќе се излади исечкајте ја на поситни парчиња. Внимавајте, сланината треба да биде крцкава. 

Брокулата исечкајте ја на средни парченца, а кромидот на тенки полукругови. 

Во подлабок сад ставете ги сланината, брокулата, кромидот, сувото грозје и сечканите бадеми и полека промешајте. 

Во друг сад ставете го мајонезот, шеќерот и винскиот оцет. Добро промешајте ја смесата рачно.

Можеби изгледа невообичаена комбинацијата шеќер, мајонез и вински оцет, но е многу вкусна. 

За крај додадете ја смесата со мајонезот во садот со брокулата и добро промешајте. Оставете да отстои 2 часа во фрижидер, по што салата е готова.

Добар апетит!