Здравје, Здрави навики
Што покажуваат ноктите за вашето здравје?
Кога сакаш да процениш некој човек ќе го погледнеш во очите и ќе ја видиш неговата душа, а кога ќе погледнеш во неговите нокти ќе дознаеш сѐ за неговото здравје. За лекарите ноктите можат да бидат најдобриот доказ за состојбата на нивниот пациент. Следејќи ја промената кај нив и вие треба да знаете да ја процените својата здравствена состојба. Во медицината бројни случаи на болести или недостатоци на витамини се откриени преку ноктите.
Бледи краеви на ноктите – анемија или проблеми со црниот дроб
Хоризонтални ребра т.е. линии по површината на ноктот – проблеми со циркулацијата или дијабетес. Може да се јави и како последица на тешка болест, настинка или пневмонија (воспаление на белите дробови).
Вертикални испакнатини – не се загрижувачки, понекогаш се јавуваат поради недостаток на железо.
Суви и кршливи нокти – недостаток на витамин А или недостаток на железо
Надвиснати нокти – недостаток на протеини и витамин Ц или фолна киселина
Бели ленти – недостаток на протеини
Разделување на ноктот – недостаток на хлороводордна киселина
Вдлабнувања на ноктот – можен знак за псоријаза (воспалително нарушување)
Затемнување на ноктите – недостаток на витамин Б12
Бели дамки на ноктите – недостаток на цинк
Жолти и дебели нокти со бавен раст – можен показател за проблеми со белите дробови
Темно жолти нокти со сина боја во основата – можен знак за дијабетес
Половина бел, половина розов нокт – можен показател за проблеми со бубрезите
Црвени делови на ноктите – можен показател за срцеви заболувања
Брановидна површина на ноктот – можен показател за псоријаза или артритис (хронично воспаление на зглобовите)
Превртување на ноктите – можен показател за проблеми со белите дробови
Црвени линии во основата на ноктот – можен показател за болести на сврзното ткиво (лутус)
Темни линии под ноктите – можен показател за болеста меланом
Раздвојување на ноктите од подлогата – можен показател за болест на тироидната жлезда, псоријаза или алергиска реакција на ноктите на некои производи.
Погледнете во вашите нокти и откријте дали некоја од погоре наведените појави е присутна кај нив. Навременото откривање на проблемите во организмот е добар почеток кон подобро здравје.
Додади коментар