U2 во трката за Оскар
Академијата ги објави номинациите за претстојниот Оскар, а меѓу кандидатите за престижната награда се најдоа дел од филмовите за кои и се очекуваше да бидат номинирани во повеќе категории.
„Гравитација”, „12 години роб”, „Волкот од Вол Стрит” се дел од кандидатите кои на 2 март ќе се борат за Оскар.
Не помалку внимание привлекуваат и номинациите за оригинална музика.
Во трката за Оскар се најдоа U2 со нивната „Ordinary Love”, насловна тема од филмот за Мандела, која веќе го освои Златниот Глобус во истата категорија.
Покрај U2, за најдобра песна се номинирани и Фарел Вилијамс за „Happy”, насловна нумера од „Despicable Me 2”, Идина Мензел за прекрасната нумера „Let It Go” од дизниевиот „Frozen”, Карен О за „The Moon song” од филмот насловен како „Her”.
Најголемото изненадување е номинацијата на Џ. Е. Тада и нумерата „Alone yet, not alone” од истоимениот филм, која според многумина не заслужува да се најде на листата номинирани песни, особено ако се земат предвид одличните нумери на Колдплеј (Игри на гладните) и Лана Дел Реј (Големиот Гетсби).
Како и да е, номинациите се завршени, а до прогласувањето на победникот останува само да слушнеме како звучат номинираните оригинални песни.
Додади коментар