Моите здрави чоколадни коцки за витка и трајна става
Можеби зборовите во самиот наслов - ЗА ВИТКА И ТРАЈНА СТАВА - ви отвораат прашања и недоверба, но на кратко ќе се обидам да ве убедам дека и какаото и чоколадото (се однесува на она чоколадо чиј најголем составен процент го сочинува какаото од 75-85%) не треба и не е воопшто посакувано да го исклучувате од вашата исхрана, а сепак да имате добра, здрава и витка линија.
Какаото е богат извор на антиоксиданси - со еден збор содржи многу повеќе од црвеното вино -3 пати, од зелениот чај -20 пати, од боровинките -10 пати.
Помага за:
- намалувањето на високиот крвен притисок;
- намалување на холестеролот;
- ја зголемува стимулацијата на мускулите;
- го подобрува крвотокот;
- потврдени се испитувањата дека само 75гр.црно чоколадо(со 70-75% какао) во денот ги намалува можностите за срцев удар до 40% и од настанување на мозочен удар;
- дава енергија;
- составен дел е од диети или режими на исхрана за намалување на телесната тежина;
- ги зајакнува ноктите и косата, кожата ја подобрува;
- го детоксицира црниот дроб и му помага на панкреасот во неговата работа;
- ја потпомага циркулацијата.
Ако ја почитувате дневната норма за задоволувањето на потребите на организмот од витамини и минерали и други нутритиви и во сооднос на тоа соодветната дневна норма за конзумирање на какаото - чоколадото ОД 7.5гр.- тогаш тие ќе ви служат само во насока на одржување на доброто здравје, А НИКАКО ВО НАСОКА НА ЗГОЛЕМУВАЊЕ НА ТЕЛЕСНАТА ТЕЖИНА.
Моите чоколадни коцки можете да ги направите со темно чоколадо или со какао по ваш избор и како здрава ужинка во комбинација со чај или со шолја топло какао да ви претставува вистинско задоволство и момент на релаксација.
РЕЦЕПТ:
Потребен материјал:
- ½ шолја гмечена банана или
- рендани јаболка
- 12 супени лажици интегрално пченично брашно
- 1 ½ шолја рендано темно чоколадо
- 1 кафена лажичка ванила или
- ¼ кафена лажичка цимет
- ¼ кафена лажичка сода бикарбона
- 1 лажичка прашок за печење
- 3 лажици путер
- прстофат сол
- 2 лажици топла вода
Подготовка:
Во сад на средна температура се спојуваат путерот и чоколадото и се оставаат на страна.
Во друг сад се спојуваат шеќерот+бананата или јаболката+водата + ванилата или циметот, сè добро се промешува на што потоа му се додава чоколадото со путерот. Во оваа смеса се додаваат сувите состојки, брашното+сода бикарбоната+прашокот за печиво.
Сè добро се спојува, но не се меша многу енергично. Се тура во намрсена тава и поросена со брашно или само намрсена ако е од оние во кои не се лепи тестото. Се пече во загреана рерна на 180-200°Ц околу 25мин. Се остава да се излади, а потоа се сече на коцки.
ДОБРОТО ДРУШТВО ИЛИ УБАВА КНИГА ОВА СЛАТКО ДОЖИВУВАЊЕ САМО ЌЕ ГО НАПРАВИ УШТЕ ПОУБАВО.
Додади коментар