Занимливост, Интересно
Накит од бајките во прекрасниот замок Шамборд
„Ван Клиф и Арпелс” е француска компанија која произведува накит, часовници и парфеми.
Основана во 1896 година, компанијата има долга и богата традиција, а уникатните парчиња накит честопати ги краселе модните икони како Елизабет Тејлор и Грејс Кели, принцезата од Монако.
Најновата колекција накит на „Ван Клиф и Арпелс” неодамна беше претставена во прекрасниот замок Шамборд во Франција.
Инспирирана од француската бајка „Некогаш многу одамна”, колекцијата накит беше претставена токму како во бајка, во стилот на средновековните забави, во прекрасен замок, со нежни модели – принцези и слонови кои полека чекорат покрај моделите, трпези полни со овошје, вино и цветови.
Уникатните парчиња накит збогатени со дијаманти и смарагди привлекоа големо внимание кај гостите кои уживаа во несекојдневната ревија. Особено внимание привлекоа трите мали брошеви - принцези.
Претставувањето на колекцијата беше совршена комбинација од имагинација, елеганција и луксуз, а замокот Шамборд, здание прекрасно само по себе, му даде посебна магија на настанот.
Додади коментар