Откритија
Како изгледале вистинските Хобити?
Сите оние кои ја гледале фантастичната трилогија „Господарот на прстените”, сигурно се сеќаваат на Хобитите, малите, симпатични и весели човечиња кои знаат како да се забавуваат и да го живеат животот.
Но како навистина изгледале Хобитите?
Dr. Susan Hayes, антрополог од Австралија, користејќи посебна технологија направила реконструкција на женски череп и го прикажала изгледот на Хобитите.
Dr. Hayes, чија специјалност е реконструкција на лице, користела технологија за решавање на тешки криминални случаи и со помош на дигитален модел на череп стар 18 000 години, направила реконструкција на лице на жена Хобит.
Реконструкцијата покажала дека жената Хобит била висока околу еден метар, а тежела околу 30-35 килограми.
Всушност, станува збор за реконструкција на изгледот на Homo floresiensis, древни хуманоиди кои симболично се наречени Хобити, бидејќи по градбата потсетуваат на малите човечиња од книгите на Џ.Р. Толкин.
Одличната реконструкција на Dr. Hayes им овозможила на антрополозите за прв пат поблиску да се запознаат со Homo floresiensis и да се обидат да го откријат нивното место во дрвото на еволуција на човекот.
Додади коментар