Изгледот на детската соба го отсликува карактерот на децата кои престојуваат во неа. Во зависност од нивните идеи и желби, собата може да се претвори во катче во кое токму тие ќе се чувствуваат како да се наоѓаат во нивниот имагинарен свет.
Во тој нивни замислен свет децата се оригинални и свои, слободни се, на најискрен начин и без никаква дилема ги искажуваат своите чувства, го прават она што сакаат да го прават, едноставно се деца.

Кога станува збор за декорирање на детски соби за најмилите, секогаш прво се поставува прашањето дали просторот во домот дозволува да се направи, да се изведе, украси и декорира детска соба која ќе ги задоволи љубопитните детски посакувања и очиња. 
Ако просторот тоа го дозволува, нареден чекор е да се изберат вистинските работи кои ќе бидат дел од реализирањето на детскиот сон.

Треба да се изберат удобен кревет, шкафчиња, масичка, столче и тепих кои ќе бидат во склоп на замислениот детски свет. Украсите по полиците и ѕидовите како и останатите предмети кои ќе се наоѓаат во собата треба да бидат омилени на децата.
Ѕидовите може да се исцртаат со омилени мотиви од некоја детска приказна или цртан филм и мебелот може да се изработи да биде исто така во форма на некој омилен јунак.

Во детските соби треба да преовладуваат сите светли бои, бидејќи колоритното виножито од бои придонесува многу побрзо и полесно да се развие детската креативност. Од овие причини не треба да се делат боите на машки и женски па според полот на детето, доколку е едно во семејството, да се одредува и бојата која ќе преовладува во собата. За децата колку е пошарено толку е подобро.

Во прилог погледнете некои од предлозите за декорирање на детска соба, одберете ако нешто ви се допадне и доколку сте во можност реализирајте еден детски сон.

Чувството на среќа ќе биде огромно додека го гледате вашето дете колку многу е радосно и безгрижно додека престојува во неговото детско катче.