Нашата традиционална кујна нè учи дека црниот бибер треба да го употребуваме само во чорби, супи и кога подготвуваме месо, но неговата примена е далеку поголема, особено сега кога веќе знаеме дека овој драгоцен зачин е лек кој помага при многу болести и заболувања.

Слободно проширете ја неговата примена и почнете да го употребувате и во сите видови на салати, предјадења, кога подготвувате зимница и со сите видови на зеленчук.

Единствено треба да се напомене дека не смеат да го употребуваат луѓе кои имаат чир, и луѓе кои имале операција на органите за варење, а сите останати можат слободно и колку што сакаат да го употребуваат.

Но зошто токму црниот бибер е толку здрав зачин?

Виновник е пиперинот кој е активна состојка на црниот бибер и благодарение на кој се зголемува нивото на апсорпција на селенот, витаминот Б, бета каротинот како и другите важни состојки од храната која се внесува, со што се забрзува енергетскиот метаболизам во телото.

Црниот бибер е лут благодарение повторно на пиперинот, а белиот несомелен бибер е полут за нијанса од црниот несомелен бибер.

Препорачливо е секогаш да се употребува несомелен бибер во зрно кој со помош на мелница наменета токму за бибер ќе се употребува при подготовката на храната и како свеж зачин ќе се внесува во организмот. 
Сомелениот бибер многу брзо го губи мирисот како и лековитите својства кои ги поседува и поради тоа треба да се избегнува колку што се можи.

Еден обичен зачин како што е црниот бибер може во многу голема мера да ви го подобри здравјето, па затоа почнете уште денес да го употребувате без никакви предрасуди.