Здравје, Здрави навики
Не ја фарбајте косата за време на бременост и доење
Дали фарбањето на косата за време на бременоста и доењето е штетно е прашање кое си го поставува речиси секоја идна мајка. И самите истражувања покажуваат нејасни резултати, дел тврдат дека тоа не влијае врз плодот, а за разлика од нив некои покажуваат дека може да предизвика оштетувања и компликации.
Во однос на ова прашање гинеколозите се држат до ставот дека фарбањето на косата не е дозволиво. Како замена за штетните фарби за коса препорачуваат кана, која поради природниот состав не е опасна за плодот. Особено се забранува било какво фарбање на косата во првите 12 недели од бременоста, кога е најголем ризикот плодот да претрпи оштетувања.
За оние кои и покрај овие сознанија ќе одлучат да се фарбаат добро е да ги почитуваат следните совети:
- не ја нанесувајте фарбата со раце без ракавици
- чувањето на бојата на косата нека трае што е можно пократко време
- фарбајте се во просторија каде има силно проветрување, истото важи и за времето додека ја чувате фарбата на косата;
- убаво исплакнете го скалпот на влакното.
Но, внимавајте, во текот на бременоста косата се менува, можно е и да не ви одговара старата фарба за коса која сте ја користеле претходно.
Иако за врската меѓу фарбањето на косата и доењето не може да се потврди со сигурност дека е недозволиво, размислете сами и оценете дали треба или не да се фарбате во тој период. Преку скалпот и самото влакно и преку кожата фарбата се впива во организмот и се пренесува преку крвта низ целото тело. Голема е веројатноста истата да навлезе и во млекото со кое го доите вашето дете.
Добриот изглед е секогаш важен, седите влакна кај секого предизвикуваат нервоза, но здравјето на вашето дете е непроценливо.
Додади коментар