Најверојатно не постои град во светот во кој не се наоѓа една или повеќе скулптури или статуи.

Секој споменик, скулптура и статуа имаат приказна во себе. Тие најчесто се обележје на местото во кое се наоѓаат, отсликуваат дел од историското минато на градот, претставуваат симбол на некои важни настани, помагаат да се сеќаваме на големците, мислителите, пронаоѓачите, иноваторите, книжевниците и други луѓе кои преку нивните трудови и работа оставиле печат врз историјата на нашето живеење.

Но покрај што имаат историско обележје, статуите и скулптурите имаат и цел да измамат насмевка на луѓето, да го направат животот интересен, повесел и посреќен, да ги оттргнат грижите од лицата на луѓето и повторно да ја вратат нивната верба.

Има илјадници и илјадници скулптури насекаде во светот, но само дел од нив успеале да станат вистински уметнички ремек дела, благодарение на автентичноста со оригиналот и благодарение на одлично доловените моменти од некои важни историски настани.

Ваквите уметнички дела најчесто се поставуваат во центарот на плоштадите со цел да бидат забележани од колку што е можно поголем број луѓе, но во последно време станува сѐ помодерно, интересни и несекојдневни уметнички скулптури и статуи да се поставуваат во не толку посетуваните делови од градовите, со цел да се зголеми посетеноста и на тие места.

Без разлика каде се наоѓаат важно е дека ваквите уметнички дела измамуваат воздишки кај посетителите, ги разубавуваат градовите и претставуваат неми сведоци за минатото и историјата.

Во продолжение на статијата погледнете ги најинспиративните и најкреативните статуи во светот кои веќе се прогласени и за вид на улична уметност.