Моите рецепти - Здравје на мени
Колачи со ѓумбир
Ѓумбирот како зачин многу благотворно дејствува на системот за варење и на одбранбениот систем, односно на вашиот имунитет. Неговиот малку лут вкус ја враќа рамнотежата на јадењата во кои доминира слаткиот вкус.
За 4 лица:
- 180 гр. путер или маргарин
- 180 гр. полубело брашно
- 80 гр. пченкарно брашно
- 70 гр. кафеав шеќер Демерара
- 2.5 кафени лажички ѓумбир во прав
- 1/3 кафена лажичка ванила во прав
- 2 прстофати сол
Подготовка:
Путерот или маргаринот на собна температура се мати со миксер сè додека не стане пенест.
Во посебен сад се мешаат полубелото брашно, пченкарното брашно, шеќерот, ѓумбирот, ванилата и солта. Во таа мешавина се додава пенестиот путер или маргарин и се меси со раце сè додека не се добие компактно тесто.
Од добиеното тесто се прави форма на долгнавест цилиндер со пречник од 5 см. Потоа се замотува во пластична фолија и се става во фрижидер да отстои 2 ч.
Рерната се загрева на 190°Ц. Тестото се вади од фрижидер и се сечи на плочки или кругови со дебелина од 5 мм. Тие плочки се редат на плех за печење на кој е ставена хартија за печење. Колачињата се печат 10 мин. Колачите се вадат од рерна и се оставаат добро да се изладат.
Ова се оригинални крцкави чајни колачиња.
Додади коментар