Детскиот свет е посебен, богат со искреност, љубопитност и имагинација.

Кога на едно дете ќе му се овозможи да ја развива својата фантазија, да ја задоволи љубопитноста и да влезе во светот на книгите на еден забавен и ненапорен начин, не можеме ни да замислиме што сè ќе се случува во неговиот детски свет.

Книжарницата „Kid’s Republic Bookstore” во Пекинг е создадена токму за таа намена. Осмислена како место каде децата може да уживаат во книгите од целиот свет, но и да се забавуваат, да си играат или заедно да им се воодушевуваат на илустрациите од детските книги, книжарницата претставува вистински мал рај за најмалите, бајковито место наменето за едукација и уживање.

Двоспратната бајковита книжарница е проткаена со боите на виножитото, а малите отвори симпатично распоредени низ полиците со книги претставуваат катчиња каде децата, па и нивните родители, може удобно да се сместат и да прочитаат некоја книга.

Можете ли да замислите подобар начин за влегување во светот на книгите?