Јогата е пат преку кој можеме да допреме до своето битие и да се здобиеме со повисока свест за себе - за своето тело и за својот ум, но и за она што се наоѓа позади нив.

Таа не ни дава само можност да се помириме со позитивните и негативните нешта и да ги прифатиме такви какви што се, туку и да ја сфатиме нивната смисла и да постигнеме хармонија во себе и во односите со околината.

Преку јогата ги сознаваме и ги разбираме законитостите што владеат во нас и воспоставуваме рамнотежа и хармонија помеѓу нашата внатрешна и надворешна природа.