Интересни идеи за салвети
Уредувањето на трпезата е поврзано со празниците и домашните слави.
А зошто и неделниот ручек да не биде едно убаво празнување, па без никаков повод да направите украсни салвети и да ги ставите најубавите чинии?
Која и да е пригодата, идеите за украсни салвети секогаш се добредојдени.
За следните предлози потребни ви се:
- сатенска трака
- поцврста украсна хартија
- лепило
- многу љубов и малку трпение
Исечете ја траката на мали парчиња од кои ќе формирате прстени, залепете ги краевите на секој прстен, потоа залепете ги цветовите, пеперутките и сè друго што ќе креирате од хартијата, и вашите декоративни прстени за салвети се готови!
За оние со помало трпение предлагаме интересни сатенски или други украсни траки кои само треба да се исечат и залепат за да се добие прстен.
Вака подготвените прстени може да ги користите во разни пригоди, па секогаш кога ќе посакате да ја разубавите трпезата, за миг ќе имате декоративни салвети.
Додади коментар